Fertel in ferhaal
Ferhalen fertelle… ast weromtinkst oan dyn eigen skoaltiid silst dy grif noch in learaar herinnerje dy’t prachtich ferhalen fertelle koe. En dan witst hiel wierskynlik ek noch wat dizze learaar fertelde. Hoe kin dat dochs, dat in ferteld ferhaal safolle yndruk meitsje kin datst jierren letter it ferrin en de details fan in ferhaal noch goed heuge kinst? En wêrom bart dat net as wy sa hurd ús bêst dogge op de leskes út bygelyks de skiednismetoade?
Troch it fertellen fan in ferhaal ûntstiet der letterlik in ferbining tusken de ferteller en de harkers. Undersyk nei de harsens hat sjen litten dat by sawol de ferteller as de harker deselde harsengebieten aktyf wurde: der is sprake fan in hiele sterke konneksje! Troch dizze konneksje fynt ynformaasje, oanrikt út it ferhaal wei, in stevich plak yn it ûnthâld fan de harker en krijt de taal fan de harker ek in boost trochdat de ferteller rike taal brûkt.
Mar der bart noch safolle mear, in ferhaal…
- Ferbynt;
- Jout werkenning;
- Helpt ynformaasje op te nimmen;
- Soarget foar bettere konsintraasje;
- Lit dy yn petear komme oer wearden;
- Makket drege ûnderwerpen makliker besprekber;
- Stimulearret ynlibbingsfermogen;
- Prikkelet de ferbylding; en
- Stimulearret de taalûntwikkeling.
Mar wêr fynst de tiid om in ferhaal ta te rieden? Hoechst gjin profesjoneel ferteller te wurden om dochs al ferhalen fertelle te kinnen. Mei in tarieding fan 30 minuten is dat helber. Lês hjir alle tips.
Ferhalen yn it nije kurrikulum
Jawis! Yn de nije konseptkearndoelen wurdt omtinken jûn oan ferhalen fertelle, sa’tst hjir lêze kinst. It is dus heech tiid om dizze prachtige feardigens wer nij libben yn te blazen!
Ferhalen en meartaligens
Troch meartalich fertellen krijt de ferbining dy’t der tusken ferteller en harker ûntstiet in ekstra diminsje. De harker sil ûnderfine datst inoar begripe kinst sûnder inoars taal te ferstean. Hjir kinst der mear oer lêze.
Koartsein: Ferhalen fertelle (én der nei harkje!) is gewoan superleuk én weardefol!
Literatuer
Understeand fynst in list dokuminten dy’t dy helpe kinne by it opsetten fan it fertellen fan ferhalen op skoalle. Troch op de titels te klikken komst by in webside of pdf-ferzje fan it artikel.
Belt, F. (2013, oktober). De bisschop en de kolibrie – Over meertalig vertellen.
Belt, F. (2017). De kracht van meertalig vertellen. Vertelcultuur, 4(1), 6-10.
Den Boestert, R. (2019). De kracht van een goed verhaal: Het geheim van de smid. Opleiding & Ontwikkeling, (1), 36-37.
Koks, A. (2023). Een klittenband effect op kennis binnen thematisch onderwijs. Amsterdam: Academica University of Applied Sciences.
Plag, M. (2012). Vertellen voor kleuters (1): een recept.
Prenger, J. & Witte, T. (2024). Verhalen in het curriculum: Conceptkerndoelen Nederlands. Jeugd in School en Wereld, 7, 12-16. Tilburg: Uitgeverij Zwijsen.
Reed, H. & Flores Gonzalez-Kes, L. (2015). Samen verhalen vertellen: Stimuleren van causaal redeneren bij kleuters. De wereld van Het Jonge Kind, 42(9), 4-7. Tilburg: Uitgeverij Zwijsen.
Te Dorsthorst-de Muij, F. (2016, juny). Tips om meertalig te vertellen.
Te Dorsthorst-de Muij, F. (2016, novimber). Meertalig vertellen, een vak apart.
Wichgers, A. (2020). Verhalen vertellen. Praxis Bulletin, 12, 6-11.
Contactpersoon
Lorem ipsum dolor sit amet
Lorem ipsum dolor sit amet
Pellentesque dapibus hendrerit tortor. Praesent egestas tristique nibh. Sed a libero. Cras varius. Donec vitae orci sed dolor rutrum auctor. Fusce egestas elit eget lorem. Suspendisse nisl elit.
Voornaam Achternaam
Pellentesque dapibus hendrerit tortor. Praesent egestas tristique nibh. Sed a libero. Cras varius. Donec vitae orci sed dolor rutrum auctor. Fusce egestas elit eget lorem. Suspendisse nisl elit.
Voornaam Achternaam
