Jungle Boek
Ferteller: Gur slûpt nei it boskje, mar as er it pakketsje oanrekket komt dêr in lûde gjalp út. Gur naait hurd út.
Khan: Bist wol in skijter!… It stjonkt wol trouwens…
Gur: Getver… in bytsje as… eh… as…
Khan: Apestront!… Doarsto?
Sa begjint it moarnsbetiid yn de jungle. Doarre jim it oan om it ferhaal ôf te meitsjen?
YNSPIRAASJE FOAR JUNGLE BOEK
- Mei elkoar prate oer de betsjutting fan toaniel
- Mei elkoar sjen nei fragminten út Junglebook
- Mei elkoar lústerje nei de muzyk út Junglebook
- In lyts ûndersykje dwaan nei it ûntstean fan Junglebook en de skriuwer Rudyard Kipling
- In jungledûns meitsje (muzyk)
- In apedûns meitsje (muzyk)
- Prate oer (streek)talen
- In passend dekôr op it digiboard meitsje by in sêne
- Ynspiraasje opdwaan op de webside fan it Berne Iepenloftspul
- Presintearje foar oare groepen of foar âlden
- Mei elkoar nije dialogen skriuwe
MUZYK BY JUNGLE BOEK
De teksten fan alle ferskes binne HJIR te finen (PDF)
Aventoer (sêne 1)
Gierenliet (sêne 3)
Gûle as in wolf (sêne 5)
Dwers troch de jungle (sêne 8)
Jungledûns – Jungle
Apedûns – Bandar Log
DIDAKTYK
Elke les ien sêne
- Yn groepkes (of earst klassikaal!) de sênes lêze
- De rollen ferdiele
- De sêne lêze en wer lêze
- De ferwurking dwaan*
- Presintearje**
* De learkrêft kin de ferwurking ek earst oerslaan en nei it groepslêzen klassikaal beprate
** Ien of twa groepkes presintearje foar de klassegenoaten
DOELEN
- Wille belibje oan toanielteksten
- In stap foarút sette yn it Frysk lêzen, praten en skriuwen
- Elkoar helpe en stypje om Frysk te lêzen, praten en skriuwen
- Dy yn in rolfiguer ferpleatse kinne
PRINSIPES
- Dialooch sintraal
- Learkrêft is coach
- Learling is coach
- Troch ynspiraasje komt de motivaasje foar de presintaasje
FERBINING
Tink dy Tûk! – Meartalige Taalrûnte! – Sjongejonge!
Yn Jungle Boek komme ferskate tema’s oan bod dêr’t mei de groep oer praat en skreaun wurde kin. By in oantal sênes past ek in ferske (sjoch hjirboppe).
Tema’s:
Sêne 1: Gefoelens
Sêne 2: Rjocht en ûnrjocht
Sêne 4: Moedich wêze
Sêne 6: Wat is in held?
LEARKRÊFT AS COACH
- Learlingen stimulearje om Frysk te lêzen, praten en skriuwen
- Observearje:
- Doart de learling Frysk te praten?
- Doart de learling Frysk te lêzen?
- Doart de learling Frysk te skriuwen?
- Hokker learlingen wurde coach?
LEARLING AS COACH
- Elkoar helpe mei it Frysk
- Elkoar helpe by it spyljen fan in rol
- Elkoars miening respektearje
