Praat mar Toaniel - Strobke

Dit Fryske toanielstik giet oer it jonkje Strobke en spilet him ôf yn 1916. De wrâld seach der doe hiel oars út. De klean wiene oars, de winkels wiene oars, de skoallen wiene oars… De bern moasten wól nei skoalle. Dat sei de wet. Mar net elkenien gong ek echt nei skoalle! Strobke yn alle gefallen net…

Der binne tsien haadstikken út it stik Strobke. Guon haadstikken wurde tegearre lêzen, oare haadstikken yn groepkes. By de haadstikken foar it groepslêzen stean de rollen dy’t dêr yn sitte boppe-oan. Achter de nammen stiet hoefolle teksten by de rol hearre. De drege wurden binne ûnderstreke en steane nei elk haadstik op alfabetyske folchoarder yn in wurdlist. 

Hjirûnder fynst in filmke om ynspiraasje op te dwaan. Hoe is it om in rol lykas Kruimeltje te spyljen? Op Youtube stean fansels noch folle mear prachtige foarbylden ast sikest op Kruimeltje. Dêrneist fynst hjirûnder allegear ferskes dy’tst brûke kinst om it stik noch mear fleur te jaan.